سرطان الدماغ .. الأعراض الأولية الموجهة .. سماح محمد ..
|| Midline-news || – الوسط …
يمكن لحالو الاسم مرعب ؛ اي صح الرعب الحقيقي يلي فيه أنو صعب ينكشف بمراحلو المبكرة واذا اجا متأخر فهو مميت .
بس ما في شي مطلق ؛ قدروا الأطباء يواجهوا هالرعب وحددوا أعراض رئيسية بس حسيت فيها بوجهك لعند الطبيب للاطمئنان لينفي أو يأكد المرض للعلاج ؛ طيب شو هيي هالأعراض ؟
خلونا نشوفون سوى
الخلل بحركة الأطراف وحساسيتها لدرجة حرارة المحيط والأجسام هيي غالبا بتدل على مشكلة بالجمجمة ؛ رغم أنو هالأعراض مرتبطة بأمراض عظمية ومفصلية لكن حددوها الأطباء كمنبه لتفيقك أنو في مشكلة بالجمجمة ؛ أنت عليك بس تحس فيها تروح لعند طبيبك وتتأكد هيي مشكلة عظمية مفصلية ولا بداية سرطان دماغ .
التغيير المفاجئ بالسلوك والشخصية والمزاج السيء فجأة مع الاكتئاب ؛ هدول بلاحظوهون القريبين عليك ؛ بوجهك بتروح لعند طبيب ( لا تخافوا يمكن القصة نفسية بس اذا كانت على مدى طويل وبشكل كتير متكرر معلش اطمنوا عحالكون وزوروا طبيب أورام ) .
الدوخة المتكررة والشعور بالتعب الشديد عند الحركة وفقدان التوازن وأنت عم تمشي ؛ كمان بوجهك لعند طبيبك .
وجع راس قبل ما تنام وبس تفيق ومعك تقيؤ شديد رغم أنو ما في إحساس بالغثيان كمان بوجهك لعند الدكتور .
هدول أهم الأعراض يلي توصلوا الها الأطباء أنها ممكن تكون صفارة إنذار من الدماغ أنو في خلل .
ما بدنا تخافوا وتقولوا لحالكون أنو خلص اذا سرطان ؛ موت أريحلي لأنو أساسا ما الو علاج #أوعكون .
هاد غلط كبير كتير ؛ نحنا عم نوعيكون أنو هدول اذا صاروا معناتو أنت بألف خير ؛ لأنك بمجرد ما تتوجه لعند طبيبك ويتأكد من وجود المرض أو عدمو فأنت بتكون عالجت حالك وشفيت ورجعت لحياتك الطبيعية ، لعيلتك ، لشغلك .
منترجاكون تكونوا أقوى وأوعى ؛ وبرجع بأكدلكون هدول ممكن كتير يكونوا أعراض لمرض عادي مو سرطان وممكن يكونوا سرطان كمان فواجبك بحق نفسك بس أنك تروح لعند طبيبك وهوي بيتكفل بالباقي .
لا تخافوا بس افحصوا مبكرا لتعيشوا بصحة أفضل أنتوا أقوى وأوعى