العناوين الرئيسيةحرف و لون

“من وين جاي الفصح”.. د. إبراهيم شحرور

لوحة الفنان السلوفاكي: لاديسلاف زابورسكي

|| Midline-news || – الوسط
.

“تياب جداد”
بْعيد الفطر بالبيت كانو يلتقو
ويفطر حزن جدّي عَ ضحكات الولاد
وْنلبس تياب جْداد أحلى مْن العِياد …
وْلمّا يِجي الأضحى تيابي يعتقو
إلبُس العيد … وْيرجعو تْيابي جداد
***
وْجيراننا بْعيد الفطر ما يفطرو
وْيزيّحو جْبينُن بِصلبان الرماد
وْإمّي تْقلّي : الفصح لازم ينطرو
وإسأل أنا كلْما عَ بالي يخطرو :
من وين جايي الفصح من أيّا بلاد …
***
وْهالطفل يوم اللي عْرِفِت خلقان وَيْن
وْكيف الدني لِبْسِت على صَلبو حداد
تْيابي الجداد اللي لبسْتُن مرّتيْن
عَ الفصح صارو يرجعو تيابي … جداد
.

*د. إبراهيم شحرور: شاعر من لبنان

.
اظهر المزيد

مقالات ذات صلة

زر الذهاب إلى الأعلى