العناوين الرئيسيةحرف و لون

“صرت خاف كتير” .. سمير خليفة

لوحة: سوسن بواب

|| Midline-news || – الوسط …
.

عيونِك بتجرح هيّك قلّي الريح
أوّل ما طلّ ودقّ ع بابي
وبيقول كل ما بتضْحَكي
بينبت ورد بالجوّ
وبتزهّر ضبابي
وبيقول عن صوتِك حلو
مقطّر متل ميّ الزَهِر
أحلى من قرون الغزال الّلي مرَق عَ السكت
ورفّ الحمام لْما وصل ع الوقت
تطليعتِك بترَكّع حصان الملك
شِعرِك بحرْ
بتتصيّدي حروفكْ
مرّه بصنّارة نهرْ
مرّه بصنّارة سمَك
وبيقول جايي الغيم
يرسم عينيكي بريشة سنونو
ويكحّل جفونو
بْحِبر الحراش وزعتر جفونِك
وبيقول ع الغيمات بتموني
ع أدّ ما في دموع بعيوني
صرت خاف كتير
تنزل شي دمعه وتشرَبا عيونِك!
اظهر المزيد

مقالات ذات صلة

زر الذهاب إلى الأعلى