أرشيف الموقعالديك الفصيحالعناوين الرئيسية

شوفير…وشرطي …وشقفة راتب

الوسط _خاص

قولكن المدير بنلام اذا طنش عن جيت الموظف لدوامو شي يومين بالاسبوع ؟!

قانونيا ممنوع بس كمان مانو مبلوع هالحال اذا الموظف بدو يحط معاشو اجرة تكسي او بيتشنشط بالمواصلات لانو تم تخفيض المواصلات الخاصة بالموسسات للحكومة وقدامك يا بهدلة المكاري والركض وراها وياتكسي وحكم الاعدام بجيبتك او البسكليتات ونحنا بعاداتنا المتخلفة منلوم الزحلفة اذا طلعت عالبسكليته فما بالك المدام والآنسة !!
انو لابيرحموا ولابيخلوا رحمة الله تنزل بهاللشهر الفضيل ….لاتنزيل للاسعار ولارقابة عليها والتكسي ماشي عم يكوي باسعار نار وبيختفي الشرطي المغوار …

سائق التكسي بتطلع معو كانك بتشتغل عندو اذا مو عطريقو حل عنو وبطريقو بطلع اربعة تانيين معك وبيضربك الاجرة بتلاتة بحجة انو البنزين اغلى من الذهب وماعجبك فالتذهب ادراج المشي على اقدامك وركبك كمان!!

كلشي وفرتو الحكومة من المخصصات اخدتو دبل من جيبة المواطن والي بيطلع بتكسي الشوفير فورا بيعلن اقامة الحد على جيبتو واحسبوها منيح اذا رحنا على الشغل ب1500 ورجعنا بنفس التسعيرة منكون حطينا 60 الف ليرة شهريا …اجرة التصبيحة بوجه المدير المريحة…الله يديم العطل والمناسبات

منعرف الحالة ديقة وترامب الملعون مدد العقوبات علينا بس كمان بيكون المواطن ممنون اذا شاف الشرطي الميمون عم يضبط شوفيرية التكاسي الي عم يشتغلوا عمبدأ البنزين غالي…ومومتوفر غير كل يومين وهنن وحياة القدير العالي ماربحوا قبل ازمة البنزين متل ماربحوا بعدها ..والموظف والي مانو موظف صاير فيهن متل السمرا يلي بتحط راتبها كحلة وحمرة بس الفرق انو بعد هالفرق بالاسعار الوجه لساتو اصفر ومخطوف شي من الصيام شي من دفع الألوف

وهديك المرة حكالي الديك الفصيح ومالكن عليه يمين انو الشوفير الي معو شق الخمسمية الي اخدها من الديك لانو ماعجبتو كأجرة لشارع مابتجاوز 200 متر ….دخلك باديش الشوفير عم يحسب المتر وكيف عم يقسم اللتر…سكر تمو الديك الفصيح قدام الشوفير واجا لعنا يصيح….قلنا لافي شرطي يحمينا ودخيلك بلا ماتنتف ريشاتي بهالطريق…

اظهر المزيد

مقالات ذات صلة

زر الذهاب إلى الأعلى
إغلاق