الديك الفصيحالعناوين الرئيسية

ساعدونا… وماصرنا احسن

الوسط – خاص:

انو كل صياحك ياهالديك ماطلع فصيح …وعم تصيح داخل خطوطك الحمرا انت عامل حالك صحفي وهنن ياحرام عم يكشوك لتطلع من القن الرقابي… و عقدة مقص الرقيب الي قاعد بس جوات خيالك و عم يخليك تخاف من خيالك …ولك ياهالديك انا اسمعت والله اسمعت باذني انو الحق عليك وعلى هالصحفي… اي عندكن مجال كبير من حرية الرأي والتعبير وحضراتكن (سايبين الشقة كلها وقاعدين بالمربع الامني جنب الحيط ويارب السترة )…مابتفتوا برات الصحن ومابتحكوا بجرأة.. اي مين ماسك عليكن مسطرة ولاحقكن …موناقص غير تقولوا انو حدا لاسمح الله عم يرفع عليكن قضية جريمة الكترونية اذا حكيتوا …او حتى رئيس التحرير ومدير الفترة عم يرفض المادة اذا جابت معدل الحكومة او حتر خصر شي بلدية …
والحكي بيناتنا كل الصحفيين الي اختفوا بظروف غامضة او اعتزلوا ..بعد شي بوست على الفيس او فقرة نقد للعامود الفقري بالحكومة …هدول هنن ممسوكين بجرم علمو عند الله ..مابينحكا لانو الله امر بالسترة …والشفافية المطلوبة بتقول مادخلك بغيرك من يلي علقوا بجرائم الكترونية عليك تكون جريء وانت وحظك …
يا سيدي من كتر الشفافية ووضع الايادي على الجرح بعمل الاعلام صار يصرخوا كل الصحفيين… اي طلع العطل منهن هنن ماعم يعرفوا يخلصوا من هالشرطي الي جواتهن وينهضوا بالاعلام …وانا اسمعتها بالراديو من احد الضيوف الكرام وقت حرجتوا المذيعة وقالت وزارة الاعلام اطلقت حملت ساعدونا لنصير احسن ..فهل ممكن يكون اداء الصحفي احسن ويتخلص من عقدة الخوف والشرطي الي جواتو …الضيف ارتبك وقلها مجاملا اي لازم يتخلص …وبس خلص قلنا مو ليكون الي قاعد بخيال الصحفي شرطي …ولك ياعمي هينة اذا شرطي …بس المشكلة راح الشرطي وقعد مفرزة من الامن …وهدول لا 25 ليرة بتسكتهن ولاحتى بساط الريح …حاج تصيح يافصيح …صوتك طلع عورة…..ولك مو عينهن يلي حمرة….

اظهر المزيد

مقالات ذات صلة

زر الذهاب إلى الأعلى
إغلاق