منوعات

#توعية_تغذوية.. أفضل وأسوأ الأكلات يلي ممكن يختارها مريض السكري

|| Midline-news || – الوسط …

 

ما في عائلة تقريبا إلا وعندها شخص #مريض_سكري ؛ ونظام التغذية جزء مهم جدا من تطور المرض وحالة المريض ؛ وطبعا نصائح الجيران وولاد الجيران الشائعة والخاطئة عم تؤذي مرضانا بشكل كبير ..

طيب شو الصح ؟! شو ناكل !؟ وشو ما ناكل ؟!

رح قلكم تماما شو أفضل وأسوأ الأكلات يلي ممكن يختارها مريض السكري ؛ خليكم معي 👇

1. النشويات :

الصح ✔
🔴 الرز البني ( يمكن أنتو مو سمعانين فيه بس هاد صح يتاكل من مريض سكري ) .

الخطأ ❌
🔴 الرز الأبيض .
🔴 الخبز الأبيض .
🔴 البطاطا المقلية .
#ننوه : بتقدروا تاكلوا نوع واحد من النشويات بكمية قليلة يعني ما تجمعوا نوعين بوجبة وحدة ؛ هيك ممكن ✋ .

2. خضراوات :

الصح ✔
🔴 اللفت والسبانخ والجرجير والخس .
🔴 الجزر والفليفلة الحمرا والبصل والبتنجان .

الخطأ ❌
🔴 المخللات .

3. الفواكه :

– #ممنوع مربى فواكه أو مشروبات فواكه يعني عصيرها .
– الفواكه الطازجة ولكن #باعتدال قطعة وحدة مو أكتر 😪 .

4. بروتين :

الصح ✔
🔴 الفول والمكسرات والسمك والجاج والبيض والفاصوليا ومنتجات الألبان بس #قليلة_الدسم .

الخطأ ❌
🔴 اللحوم المقلية والأسماك المقلية كثيرا .
🔴 الأجبان العادية .
🔴 جلد لحم الجاج .

5. الألبان :

كل منتجات الألبان بس #قليلة_الدسم و
بعد عن القشطة ⚠ .

6.الزيوت والدهون والحلويات :

الصح ✔
🔴 دهون نباتية : مكسرات وأفوكادو ( بس هي فيها سعرات حرارية كتير لهك خود كمية قليلة منها ) .
🔴 تونة او زيت زيتون .

الخطأ ❌
أي شي مع دهون اصطناعية غير مشبعة هوي سيء لمريض السكري والقلب كمان يعني اي شي مكتوب عليه ( مهدرج جزئيا ) لا تقرب منه ⚠

أخيرا المشروبات :

الصح ✔
🔴 الماء والشاي غير المحلى .
🔴 البيرة الخفيفة .
🔴 القهوة .

الخطأ ❌
🔴 مشروبات الطاقة .
🔴 كلشي فيه سكر زيادة مؤذي ، سواء قهوة او شاي او متة .

بالختام رح قلكم أنو هالحمية يلي حكينا عنها صعبة بس هي لحياتكم أفضل ؛
الخطأ يعني أسوأ الخيارات يعني بعد عنها ❌⚠
والصح يعني الأفضل واذا فيك رتب نظام حياتك على أساسها ✔
بالنهاية أنتم بإرادتكم وبحبكم للحياة ومقاومة المرض قادرين تتأقلموا مع أي ظرف وقادرين تتغلبوا على أصعب الأمراض 💙💙

تنسيق وترجمة: سماح صالح محمد 💙

المصدر :

https://www.webmd.com/diabetes/diabetic-food-list-best-worst-foods#1

اظهر المزيد

مقالات ذات صلة

زر الذهاب إلى الأعلى