العناوين الرئيسيةحرف و لون

القاضية ممكن! .. أحمد الخدرجي

لوحة : موفق مخول

|| Midline-news || – الوسط …

مش تسلية
ولا وقت بيعدي وخلاص
مش قهوجي وقهوة وسجاير وسط ناس
سايبين بيوتهم ف المسا علشان يادوب يتسامروا ع القهوة،،
مع كوبايات الشاي..
والليل بالحليب
ولا يجرحوا شعور الشوارع بالنُكت أو بالهتاف
ولا يقعدوا يعدوا النُقط..
أو يحسبوا ف فوارق الأهداف
مش تسلية
الكورة عند الخلق أكبر من كده
ونس الليالي المرعبة
سفر الخروج م الوحشة من بُكره المخيف
عوض الفلس والوحدة والديفوهات
جنة الخُلد القريبة للعُصاة الطيبين
الكورة أكبر من مجرد فرقتين
أو جمهورين
بيطلعوا لسانهم لبعض ويضحكوا
وبيرجعوا لنفس الونس

بعد الهزيمة من الحنين…
.

*شاعر من مصر
*اللوحة للفنان التشكيلي موفق مخول- سورية

اظهر المزيد

مقالات ذات صلة

زر الذهاب إلى الأعلى