العناوين الرئيسيةصحة وتجميل

الـمـرض الـقـلـبـي الأكـثـر انـتـشـاراً فـي الـعـالـم .. سماح محمد ..

|| Medline-news || – الوسط … 

 

◼ رح نحكي اليوم عن مرض شائع جدا بالعالم وإذا مننزل نعمل فحص لأغلب النساء رح نلاقيهم مصابين فيه ؛ هالمرض هو #انسدال_الصمام_التاجي (MVP) .

◼ بداية رح نتعرف مع بعض عالصمام التاجي وشغلو بالجسم 👇

🌟 #الصمام_التاجي هوي صمام قلبي موجود بين الأذينة اليسرى والبطين الأيسر مؤلف من شرفتين أو وريقتين لذلك اسمو التاني (الصمام ثنائي الشرف) و شغلتو لهالصمام الجميل النبيل أنو يوجه الدم بمسارو الطبيعي الوحيد من الأذينة للبطين بحيث يضمن ما يرجع الدم لورا ؛ فينا نشبهو بالباب يلي بسكر بس يفوت الدم لمحلو الطبيعي .

◼ وهلأ منجي لنحكي عن المرض؛ أسبابو؛ أعراضو ؛ تشخيصو ؛ وعلاجو ؛ وأهم النصائح لمرضى انسدال الصمام التاجي ✋

◼ انسدال الصمام التاجي هو ارتخاء أو ليونة في إحدى وريقات الصمام أو كليهما مع تطاول وتمدد في الحبال الوترية المرتبطة به مما يؤدي إلى اندفاع الوريقة أثناء الانقباض البطيني ودخولها في الأذينة وبالتالي ارتجاع كمية من الدم للأذينة 😪

أسباب الأمراض مختلفة ومنها 👇

🔴 أمراض متعددة ممكن تأدي بآلية معينة لانسدال الصمام التاجي من مثل #الحمى_الرثوية أو #التهاب_الشغاف .

🔴 ممكن يكون عائلي أو وراثي ولكن حتى الآن لم يتم وصف جين محدد ؛ الخلل فيه بيسبب المرض .

🔴 قد يكون انسدال الصمام التاجي ثانوي ( يعني اجا بعد إصابة معينة أو خلل أولي أساسي ) لتمزق أو خلل في العضلات الحليمية بعد احتشاء عضلة القلب أو نقص التروية أو تمزق في الحبل الشوكي بسبب التهاب الشغاف التاجي ، أو حركة جدار بطيني يساري غير طبيعي في وضع نقص تروية عضلة القلب و / أو مرض عضل القلب الأساسي .

🌟 يجب #التنويه ⚠👈 إلى أنو المرض هو #خلقي في أغلب الحالات و ما في سبب واضح لحدوثه .

◼ في معظم الحالات المريض ما بعاني من أعراض وممكن ما يكشف المرض لفترة متأخرة أو من محض الصدفة بتخطيط قلب كهربائي يكتشف أنو معو انسدال؛ واذا حس المريض بأعراض فبكون أهمها :

✔ضيق التنفس وخاصة عند الاستلقاء .

✔القلق .

✔نوبات الهلع .

✔عدم انتظام ضربات القلب .

✔الخفقان (تسرع قلب) .

✔ألم غير طبيعي في الصدر .

✔إعياء وغشي .

◼ طبعآ حدة الأعراض تختلف بين شخص وآخر حسب تقدم المرض وغالبا بتحصل الأعراض أثناء #النوبة يلي بتحرضها عدة أمور منها :

❌التدخين (ينصح بالتخفيف منو لمرضى الانسدال) .

❌الكحول .

❌المشروبات التي تحتوي كافيئين ( قهوة ، متة ) .

❌الشدات النفسية وهاد #أكتر و#أهم سبب لنوبة الانسدال .

#تشخيص المرض يكون👇
🚩 بسماع صوت نقر أثناء فحص قلب المريض بالسماعة الطبية .
🚩 تخطيط القلب .
🚩 إيكو قلب .

🌟 وأما عن #العلاج فكتير من المرضى ما بعانو من الأعراض او بيقدرو يصبرو عمرور النوبات بحياتهم ويتأقلمو معها 👍👌طبعا من واجبنا كأطباء ننصحونهم بممارسة حياتهم العادية ؛ لكن يفضل التخفيف من محرضات النوبات يلي ذكرتها سابقا لضمان حالة صحية أفضل الهم .

أما من يعاني من الأعراض والنوبات عم تعيق حياتو فمنقدر نوصفلو 👈

💊حاصرات بيتا كدواء ( #بأكد 🔴⚠ ) أنو الدواء يخفف الأعراض ولا يعالج المرض .
💊ومن الادوية أيضا ممكن وصف أدوية #نظم_قلب ، مثل فليكاينيد (تامبوكور) وأميودارون (كوردارون وباسيرون) وبروبافينون (ريثمول وريثمول سر) .

🔴🔴🔴طبعا لازم نأكد أنو هك أدوية توصف من قبل طبيب قلبية مختص وتؤخذ تحت اشرافو ويمنع منعا باتا✋🚫 قطعها أو تناولها دون علم طبيبك 👨 .

◼ العلاج الجراحي نادر نوعا ما واذا طلب فبيكون المرض متطور جدا وبيشمل العلاج جراحة إصلاح صمام أو استبداله .

🌟 بالختام لازم يعرف مرضى الانسدال أنو هوي مرض غير خطير ومنتشر بكثرة وبتقدر كمريض تتأقلم معو الأهم وقت بتجيك النوبة تهدئ من نفسك وترتاح من جوا وتعرف أنو رح تمر بس خود نفس عميق وريح نفسك ؛ وتجنب القلق الخوف الهم والزعل وابتعد قد ما بتقدر عن المشروبات التي تحتوي الكافئين 👌

بتمنالكم من قلبي الصحة والعافية 💕

منسقة ومترجمة المقال : سماح صالح محمد 💙
اظهر المزيد

مقالات ذات صلة

زر الذهاب إلى الأعلى
إغلاق
إغلاق