الديك الفصيحالعناوين الرئيسية

الديك الفصيح: حدا منكم خطرلوا يسأل؟!

لوحة الكاريكاتير: خالد جلل

|| Midline-news || – الوسط …

 

أيهاالأخوة المواطنون
كثرت في الآونة الأخيرة شكاويكم و تعبيركم عن انزعاجكم من بعض القضايا البسيطة والكمالية كالغلاء ووضع الكهرباء والوقود والغاز ومشاكل الخبز ووو.. الخ متناسيين الكثير من القضايا الهامة وكأنها لاتعنيكم أبدا!! ومنها على سبيل المثال لا الحصر:
– حدا منكم خطرلو يسأل أو يفكر بموضوع التغير المناخي وتأثيره على البيئة والثروة الحيوانية؟.
– حدا فكر بطريقة لمواجهة التصحر؟
– حدا سأل حالو كيف ممكن نواجه هجرة الريف إلى المدينة؟
– حدا لفت نظرو شو عم يعاني فنانين كتار ليحصلوا عالإقامة الذهبية بدبي؟

– حدا تسائل عن الأسباب اللي بتخلي فريق متل سويسرا يطالع فرنسا بطل العالم من دور ال 16 بنهائيات أمم أوروبا؟

أكيد لااااء !
ولا بتهمكن هالقصص، وغيرها كتير..  بس آخد عقلكن شو بدكن تاكلوا وكيف بدكن تربوا أولادكن وتأمنوا حالكن بكذا شغلة فاضية من الشغلات اللي بلشنا فيها المقال.. عنجد عيب وهزلت واللي استحوا ماتوا !
أخي المواطن لا تكون أناني وتفكر بحالك بس، لأن العالم صار قرية صغيرة .
مع تحيات الإدارة العامة للإيثار
.

*يكتبها هذا العدد: مازن عجيب
*لوحة الكاريكاتير للفنان السوري خالد جلل

اظهر المزيد

مقالات ذات صلة

زر الذهاب إلى الأعلى