الديك الفصيح

التجار كذبوا على الحكومة والناس ورمضان..

|| Midline-news || – الوسط …

 

يا فتاح ويا عليم.. استعنا على الشقا بالله.. بهالشهر الكريم..

بيقولوا إنن قالوا للعاطل صير منيح.. قلن منيح.. بيصرلي اسمين.. عرفتوا يا مؤمنين شلون..

وهاد حال معظم التجار.. الي ما عم يرحم وا المواطن وعلى رفع أسعار.. والحجة دايما جاهزة.. ارتفع الدولار..

فعلى ذمة صحيفة البعث , التجار كذبوا على الحكومة والناس ورمضان..

والأسعار ارتفعت.. وفأس التجار في رأس المواطن وقعت..

علما إنو وزير التجارة الداخلية وحماية المستهلك, قال باجتماعو مع التجار,إنو ليس من المعقول ولا من المقبول..

أن يكون هناك خلال شهر رمضان وموسم الأعياد ارتفاع للأسعار..

ليتعهد التجار إنن ما يرفعوا الأسعار.. بس شكلو سيدي الديك كلام الليل, يمحوه النهار..

وعلى هذا.. ولقمع المخالفات.. فمديريات التجارة الداخلية.. على امتداد كل الأراضي السورية.. نظمت بالأسبوع الأول من رمضان يا عيني.. ألف ضبط تمويني..

ومنا ضبوط بيع بسعر زايد وعدم مطابقة للمواصفات.. هاد عير ضبوط البيع من دون فواتير نظامية.. أو بيع مواد منتهية الصلاحية..

وهنا صاح الديك.. يا تجار إنو والله لافضحكن.. وخلي الي ما يشتري يتفرج على تلاعبكن وغشكن..

وطلع جمال شعيب معاون وزير التجارة الداخلية.. ليأكد إنو الوزارة اخذت أقصى الإجراءات القانونية..  بحق أصحاب الفعاليات التجارية.. الي ما عم يلتزموا بالأسعار الي نشرتها مديرية الأسعار التابعة للتجارة الداخلية..

وقال شعيب إنن رح ينشروا قوائم بأسماء التجار الي ما عم يتعاونوا مع الوزارة وما خفضوا أسعارن وفقا لوعدن للوزير..

لك عمي وإذا نشرتوا شو رح يصير.. مو رايحة بهالبلد غير عالمعتر والفقير..

وأساسا هيك حرام وكتير شو نشر قوائم ما نشر قوائم,

عنجد ولووو شو قاسيين.. هاد ظلم وما بيجوز معقولة هالعقوبة الضخمة على ذنب نهب المواطنيين..

التاجر يا حرام مسكين ومظلوم والقط بياكل عشاه..

لذلك نعترض على هذه العقوبة الرادعة لأنو التاجر انسان حساس رقيق مفعم بالحنية لليورو والدولار عرفت شلون يا ولداه..

إي ما قلتولنا قديش صار كيلو العوجا اليوم.. ولك عووووجا

الديك الفصيح

اظهر المزيد

مقالات ذات صلة

زر الذهاب إلى الأعلى
إغلاق