الديك الفصيحالعناوين الرئيسية

البيان الأول لساسوكي حول ساندريلا النوايا الحسنة !! والوطنية ..

|| Midline-news || – الوسط …

 

بعدما ظهرت على الشاشة السورية الساعة 12 ظهراً خرجت سفيرة النوايا الحسنة مهرولة إلى الطيارة .. وبوجهها على دبي قبل أن يدق جرس الساعة ليعلن أنها 12 منتصف الليل .. يبدو أن السحر اللي اخدته لتصير وطنية بامتياز كان رح ينتهي مفعوله ..

ولسا ما لحقت هالمخلوقة توصل على دبي حتى انطبلت الدنيا طبل انها كانت هون بسورية ، عم ترقص وطنياً لابسة ومتلبسة ، والفلوس بشنتايتها مكدَّسة ، بس على ما يبدو ما بيكفّو لترشي كل هالناس اللي دفنت قلوبها مع شهدائها ..

شبيكي لبيكي القنوات كلها ملك إيديكي .. احكي ياشهرزاد أوريانت عن الوطنية .. وخبريهم عن سلَّات الخير بلكي بيعيشوها غير .. وعينكم ما تشوف كيف هالفيس قام وما قعد .. وبلش بوزارة الاعلام نتف وتوصيف .. يا أخي معهن حق هالناس .. إي مو معقول الفحم يصير ألماس بلا تلميع وحبس انفاس .. وطلعت تبرر قناة السورية وتقول .. استرونا مشان الله .. وساعدونا لنصير أحسن .. نحنا دم الشهداء على راسنا من فوق ..

بس .. مو نحنا الي فوتنا السفيرة .. ومو نحنا اللي تقبلنا أوراق اعتمادها ، ولا نحنا فحصنا نواياها واكتشفنا أنها تمتلك نوايا حسنة ، إي نحنا على الشو إسمو ما فينا نفوت بلا موافقات أمنية ..

بعدين عادي إنو يكون في معارضة بالوطن .. إي شوفوا الدول الاوروبية !! للحظة اقتنعت وحسيت حالي بسويسرا .. شو فيها إذا طلعت شخصية معارضة على التلفزيون .. بس دقيقة شوي لو سمحتو .. صحيح الصبية لديها نوايا حسنة لكن الواضح أنه ليس لديها نوايا معارضة .. إي نعم سيدي .. سألها المذيع على الهواء مباشرة سؤال بديع .. هل أنتِ معارضة ؟؟ .. قالتلوا وبكل ثقة ونوايا صادقة : لا والله … جماعة الفيس استكملوا الإجابة بالقول : بل هي أبشع من ذلك !.

طبيعي إنو يرجع معارضين ومهاجرين .. ومن المؤكد أن سورية للجميع .. وأكيد السفيرة ما فاتت لحالها .. في أجهزة وقت اللي بدها تدقق الدبانة مابتفوت .. أما إذا بدها تطنش فطبيعي يفوت حوت بقلبه كلشي ..

يقول الحديث الشريف : إذا ابتليتم بالمعاصي فاستتروا .. ولاتضربوا على الكوع .. الناس واقفة على دقرة .. على الأقل مهدوا للموضوع .. طلعوها ببرنامج خبرني ياطير .. بعدين ببرنامج صباح الخير ..

وزارة الإعلام ليست ساحرة لتحولها من شخصية “معارضة” إلى ساندريلا .. السفيرة عبرت سبعة أفرع أو أكتر .. والقصة هنيك بتخص التخطيط لمرحلة جاية عنوانها “نتسامح ونسامح” .. بس مو بطريقة أفلام كرتون .. على ما يبدو رح نسمع البيان الأول لساسوكي الذي سيعلن سعادة السفيرة ساندريلا بعد منتصف الليل ..

اظهر المزيد

مقالات ذات صلة

زر الذهاب إلى الأعلى
إغلاق
إغلاق