الديك الفصيحالعناوين الرئيسية

اقتراح ضرائب جديدة .. فراس القاضي

|| Midline-news || – الوسط …

.

يتفضل السيد وزير الدخان يشرحلنا ليش باكيت دخاني، من شهر تماماً كان حقه بين 1500 و 1700 حسب المنطقة والخورفة، واليوم صار بين 3000 و 3400 كمان حسب المنطقة؟.

ارتفع الدولار؟ لا والله.
نزل الدولار؟ لا والله.
وانا لعندو رايحة رايحة رايحة (آسف هي تبع حاكيتو شي لا والله).
المهم، انو هيك صارت البلد متل الأفلام الأميركية! كارتيلات دخان، وكارتيلات غذائيات، وكارتيلات أدوية، وكارتيلات ألبسة، وكل واحد بيرفع السعر على كيفو؟

بس المهم الدولة مانها ساكتة، وأثبتت للجميع انها موجودة وهي كمان بتعرف ترفع، وهي صار ليتر الاوكتان ب 3000 ليرة. والله يستر من هون لآخر الأسبوع وبما انو حفظنا هدا الفلم الذي يتكرر قبل كل تغيير حكومي، وهو تحميل الحكومة الماشية كل الموبقات اللي بتخطر ببال الفريق الاقتصادي العظيم.

فعندي اقتراح بيجيب مصاري منيح لوزارة السياحة:
ضريبة ألفين ليرة على كل سائح ما عاد اجا على سورية، لأنه نحنا السبب بعدم جيتو تفه علينا.. وخمسمية عالبزقة كمان، هي صاروا 2500.
.

*الكاركاتير: فنان الكاريكاتير أيمن

اظهر المزيد

مقالات ذات صلة

زر الذهاب إلى الأعلى