الديك الفصيحالعناوين الرئيسية

“اتستروا” ….ياعشتار

الوسط -midline-news:

سالني الديك سؤال عجيب ..هلىء عنجد انتوا السوريين عمركن الحضاري فوق 7 الاف سنة ….قلتلو بكل فخر واعتزاز طبعا سبعة الاف سنة واكتر والحضارات بتشهد لك نحنا تحت محافظاتنا مليان آثار وعم بتفوح من حيطانا ريحة زنوبيا وعشتار ..

.قلي الديك هون حطنا الجمال …يعني عشتار الهة…مو وحدة فلتانة وجب قطع راسها بالمنشار …قلتلو حاج تخلف قلنالك سبعة الاف سنة حضارية عمرنا ولسا بتسأل مين هي عشتار ..قلي الديك :سبعة الاف سنة اي مو شايف من تاريخكن غير 400سنة وقت احتلكن العثماني وسنة عن سنة عم يغلب عفكرن فكر البغدادي….انو معقول بترجموا
شجرة تحت جنح الظلام ياظلام لانو منحوت عليها صورة عشتار ..لك مابكفي التكفيري غزاكم 10سنين جايين كمان عم تحاولوا تغزو تاريخكم بافكار الوهابية والاخوانة…اي شو بدكن الشجرة تتحجب وتتنقب ..لهدرجة مشاعركم رهيفة ومابتتحملوا تشوفو صورة عشتار بلا اواعي وتياب…قتلوا ياديك طول بالك بيكون هاد شي واحد متعصب حاول تخريب هالشجرة باخر الليل لانو اكتشف فيها تفاحة معرفة الشر من الخير ويبدو هو ويلي متلو ناويين ياخدونا لجهنم تانية بافكارهم الارهابية بس فشروا نحنا دولة علمانية وصاحيين منيح لهالعملية ….
قلي الديك تفاحة شو وعلمانية شو ..والله مابتعرفو غير التفاحتين تبع المعسل ..
اذا كان واحد هدد بنشر الشجرة بنص البلد وماحد سكتوا
ورجعوا بسببو ا خربوا المنحوتة يلي عالشجرة وعلموها التهذيب وضب العورة وبالاخير ماصار غير يلي بدو ياه هالخبير بشؤون تطوير التخلف والارهاب ..والعلمانيين اكتفوا بالتشجيب على الفيس بوك وماحدا شال رايهن من ارضو او بعين الاعتبار بلعكس تم الاستجابة لراي الرجعيين بسرعة المنشار ورجعوا نشروا صدرها لهلمسكينة عشتار …

صفن الديك ورجع يصيح هالفصيح ..كلام العلمانيين فاضي ومابيمونوا على مساحة شجرة بهالبلد اي اذا منحوتة وصورة ممنوع توقف بالشارع …شو بدها تعمل البنت الي بتلبس تنورة.. ..خيتو ماعاد اطلع بالليل ترى ممكن يكون في منشار تاني بانتظاري ورح وصي الجاجات تبعي يتغطوا ويضبوا عوراتهم ..اي مامنعرف انو منشار بيصطادهم ..وسلمولي على المثقف العلماني …اتستروا ياعشتارات هالبلد …

اظهر المزيد

مقالات ذات صلة

زر الذهاب إلى الأعلى
إغلاق
إغلاق