أهم الأخبار
الرئيسية / الديك الفصيح / الديك الفصيح .. “الشتوية والحكومة ” : مابدنا نروح !!..

الديك الفصيح .. “الشتوية والحكومة ” : مابدنا نروح !!..

|| Midline-news || – الوسط … 

لا الشتوية راضية تروح .. ولا الحكومة بموعد الانفراج عم تبوح .. وكلو عم يقروص بهالشعب من صلاة الفجر لصلاة العصر ..

أزمة البينزين نستناأزمة الكهربا ووزارة (الليدات) عم تقول لوزارة الذهب  -بلون الحالة – إنو الي بشوفو مصيبة غيرو بيهون عليه يقنن على المواطن الكهربا الساعة تنتين او تلاتة بالليل .. وإذا فاق هالمعتر من النوم لأسباب فيزلوجية بحته .. إي مو شرط ينبحت هالبحتة .. ويشعل الضو .. الليل ستار عوزارة الكهربا …

قننو .. نحنا بأزمة .. وهالكلمة أكتر حدا بيسمعها وبيسمعنا ياها هو المسؤول والمدير الي شد قشاطو على (المبزرين) من هالموظفين يلي بيرجعو عبيوتن بسرافيس الشغل المخصصة إلهن .. هو قلهن ترى .. وخبرهن .. إنو أبعد مشوار لباصات المؤسسة هو ستة أمتار بعيداً عنها .. هيك بيكون وصل الموظف لبر الآمان ،، وتجاوز عجقة السير وقطعتها .. وكل واحد يدبر راسو ..

بس الشغلة اللي ماعم يفهمها الديك الفصيح تبع المؤسسة .. إنو الازمة بالبنزين .. والسرافيس بتمشي على المازوت .. بس جوابو جاهز تحت باطو هالمسؤول .. جاوبهم وقلهم … (السيد رئيس الحكومة قال تخفيض 50 بالمية لمخصصات السيارات .. يعني شو المازوت حظو ناقص !؟ .. ليش لنصرفوا على الموظف المعتر .. وجيبتو مليانه فلوس وسكر ..!؟ .. خليه يقدر قيمتنا ويدعي ترجع رحمتنا عليه بدال مايضل تحت رحمة الشوفيرية .. وخاصة انو الشاطر من هالشوفيرية بيتنتور وبيبهدل الراكب .. وبيقلوا : أنا إلي من مبارحة ناطر على الكازية .. وين كنت أنت ياموظف وقت انا طبقت عدد ساعات الدوام الرسمية .. متلي متلك .. ولاتهلك .. وتقلي راعيني .. ماشفت عمرك شوفير بيشق الخمسمية اذا اعطيتو ياها !؟.. صارت تعريفة فتح الباب ألف جديدة مو طربوشين .. والحل الوحيد قدامك .. روح يا إبني إمشي .. لا الشتوية ناوية تروح .. ولا سيارة الحكومة بدها تمشي .

الديك الفصيح 

شاهد أيضاً

لافروف:حافظنا على الدولة في سورية..أميركا وحلفاؤها يغيرون القوانين الدولية حسب رغبتهم

|| Midline-news || – الوسط … شدد وزير الخارجية الروسية ​سيرغي لافروف​، على أن “​الولايات …